"Αγιον Ορος" Χριστιανικό Ορθόδοξο Φόρουμ

Ιησού Υιέ του Θεού ελεησόν με.
Πάσα φύσις Αγγέλων, κατεπλάγη το μέγα της σης συγκαταβάσεως έργον, πώς ο των απάντων Δεσπότης, ως δούλος ταπεινός, έκλινας γόνυ, καί ένιψας τούς πόδας των σών Μαθητών, καί αυτού του προδότου σου; Δι’ ο έν τω ουρανώ και έν τη γή υψώθη το όνομά σου υπέρ πάν όνομα, καί πάρα πάσης γλώσσης ακούεις.
Αλληλούια

Ρύσιον του βροτείου, γένους ώ Ιησού μου, Μυστήριον παρέδωκας μύσταις, τον μέν άρτον εν τω δείπνω, είς αυτό σου το Σώμα μεταβαλών, τον δέ οίνον είς αυτό το Αίμα σου, τούτο ποιείν αυτοί παραγγείλας είς την ανάμνησιν, εξ ών εγώ ως αφθάρτων συνεχώς κοινωνών, αγιάζομαι, και θεούμενος κράζω σοι ταύτα.
Ιησού, Αρχιερεύ αιώνιε, δοξολογώ σε τον μη νοητών αντικειμένων δεόμενον, ως υπέρ το νοείν όντα.
Ιησού, Μελχισεδέκ αγενεαλόγητε, δοξολογώ σε τον μη τοίς νοούσιν υποπίπτοντα, ώς υπέρ νοείσθαι υπάρχοντα.
Ιησού, των εισαγωγικών η γλυκειά πόσις, ευχαριστώ σοι, ότι πολλάκις τω Αίματί σου το αίμα μου καθήγνισας.
Ιησού, των τελείων η στερεά βρώσις, ευχαριστώ σοι, ότι πολλάκις τω Σώματί σου το σώμα μου συνεκέρασας.
Ιησού, ο θύτης ών ο αυτός και το θύμα, εξομολογούμαι σοι, ότι αναξίως μεταλαμβάνειν τολμώ των φρικτών Μυστηρίων σου.
Ιησού, ο όλος τω Μυστηρίω, και όλος εν παντί μέρει αυτού, εξομολογούμαι σοι, ότι ού μετά της δεούσης προετοιμασίας πλησιάζω τη αγία Τραπέζη σου.
Ιησού, ο Άρτος της ζωής εμπλησόν με συνεχώς τον πεινώντα.
Ιησού, το πόμα της ευφροσύνης, πότισον με συνεχώς τον διψώντα.
Ιησού, ο μόσχος ο σιτευτός, θρέψον με ώς τον υιόν σου τό άσωτον, καί άφεσιν των πταισμάτων μου δώρησαι.
Ιησού, το μάννα το ουράνιον, γλύκανόν με ώς λαόν σου τον αχάριστον, και είς την γήν της επαγγελίας εισάγαγε.
Ιησού, μέχρι των εσχάτων ταπεινωθείς, τον υπερήφανον έν έργοις, και λόγοις, και εννοίας, ταπείνωσόν με.
Ιησού, ο πάντα ποιήσας είς ημών υπόδειγμα, ακολουθείν σου τοίς ίχνεσιν ενδυνάμωσόν με.

συνεχίζεται...

Ιησού Υιέ του Θεού ελεησόν με.
Σώσαι θέλων τον κόσμον, κοσμοσώστα Σωτήρ μου, υπέμεινας σαρκί εκουσίως, τα φρικτά Πάθη και τον σταυρόν, τον άτιμον θάνατον, καί την ταφήν την θεόσωμον, μείνας απαθής τη θεότητι. Δι’ ο εγώ της φθοράς απαλλαγείς, πόθω σοι μέλπω.
Αλληλούια

Τριήμερος ανέστης εκ νεκρών Ιησού μου, μή λύσας τας σφραγίδας του τάφου, και εισήλθες κεκλεισμένων των θυρών, πρός τους μαθητάς σου ως παντοδύναμος, πιστοποιών αυτοίς την υπερένδοξόν σου Ανάστασιν, υφ’ ής εγώ ζωοποιηθείς, προσφθέγγομαι από καρδίας.
Ιησού, ο Μεσίτης Θεού και ανθρώπων, δοξολογώ σε τον παντός νοήματος σημαντικού απειράκις υπέρτερον.
Ιησού, ο δούς ευατόν αντίλυτρον υπέρ πάντων, δοξολογώ σε τόν παντός λόγου προφορικού απειράκις απείρως ανώτερον.
Ιησού, ο σαρκί τα πάθη καταδεξάμενος, ευχαριστώ σοι, ότι τοίς πάθεσί σου ηλευθέρωσάς με της εμπαθείας, ηδυπαθείας, και προσπαθείας.
Ιησού, ο μείνας απαθής καθ’ ο Θεός ευχαριστώ σοι, ότι την παθητήν μου φύσιν ανήγαγες είς το αξίωμα της απαθείας.
Ιησού, ο σταυρόν υπομείνας, εξομολογούμαι σοι, ότι ανάξιος ευρέθην του διπλού σταυρού της πράξεως και της θεωρίας.
Ιησού, ο διά του Αίματος σου εξαγοραστής των αμαρτωλών, εξομολογούμαι σοι, ότι εισέτι πεπραμένος ειμί τη δουλεία του εχθρού και της αμαρτίας.
Ιησού, ο τον ληστήν αυθημερόν μετανοούντα προσδεξάμενος, πρόσδεξαι καμέ τον μετανοούντα σοι.
Ιησού, ο τοίς ήλοις επί ξύλου καθηλωθείς καθήλωσον τάς σάρκας μου έν τω φόβω σου.
Ιησού, ο υπέρ της αγάπης ημών αποθανών, υπέρ της αγάπης της σής, και των αδελφών, ετοίμως έχειν με αποθανείν ενδυνάμωσον.
Ιησού, ο τη ταφή σου τον άδην σκυλεύσας, δια των αγαθών λογισμών τους πονηρούς, και αισχρούς, και βλασφήμους μου λογισμούς ενταφίασον.
Ιησού, η των πεπτωκότων Ανάστασις, ανάστησόν με τον καθ’ εκάστην ολισθαίνοντα.
Ιησού, η ζωή των νεκρών, ζωοποίησόν με τον νεκρωθέντα.

συνεχίζεται...

Ιησού Υιέ του Θεού ελεησόν με.
Υψωθείς εν νεφέλη ουρανού Ιησού μου, ανήλθες μετά σώματος δόξης, και εκάθισας εκ δεξιών του Πατρός, υπεράνω πάσης αρχής και εξουσίας και δυνάμεως, είς ο ής πάλιν επανελθών, και υπό πάντων Αγγέλων, και πάσης της κτίσεως προσκυνούμενος, και ακούων ως Θεός τον ύμνον.
Αλληλούια

Φώς υπάρχων του κόσμου, Ιησού φωτοδότα, φώς άλλο εξαπέστειλας μύσταις, εν ημέρα της Πεντηκοστής, το παράκλητον Πνεύμα, το εκ του Αγεννήτου φωτός του Πατρός μόνου εκπορευόμενον, και σοί όν ομοούσιον, ό και εφώτισεν αυτούς, και πύρινους ανέδειξε δι’ ων εγώ, έν και τρίτον φώς ελλαμφείς, ζέοντι πόθω αναμέλπω.
Ιησού, η μόνη Κεφαλή πάσης της Εκκλησίας, δοξολογώ σε τον Πρωτότοκον πάσης της κτίσεως.
Ιησού, όλη η απόλαυσις της ουρανών Βασιλέιας, δοξολογώ σε τον Πρωτότοκον της εκ νεκρών Αναστάσεως.
Ιησού, η Πίστις των Ορθοδόξων η ανίκητος, ευχαριστώ σοι, ότι εν τη Ορθοδοξω ταύτη Πίστει γεννηθήναί με ηυδόκησας.
Ιησού, η ελπίς πάντων των περάτων της γής η ακαταίσχυντος, ευχαριστώ σοί, ότι ελπίδας βεβαίας ημίν της είς ουρανούς αποκαταστάσεως δέδωκας.
Ιησού, το μέγα και ατελεύτητον έλεος, εξομολογούμαι σοι, ότι ανάξιον εμαυτόν εκουσίως του τοιούτου σου ελέους εποίησα.
Ιησού, η ζωή του κόσμου η αιώνιος, εξομολούμαι σοι, ότι εγώ ούκ αγαπώ την ζωήν, αλλά τον αιώνιον θάνατον.
Ιησού, ο υπέρ ημών ιλασμός πρός τον Πατέρα γενόμενος, ιλάσθητι επί ταίς αμαρτίαις μου, και συγχώρησον πάν άτοπον όρμημα της καρδίας μου.
Ιησού, Άρχων ειρήνης, ο ειρηνοποιήσας ουράνια και επίγεια, ειρήνευσόν με προς σε, προς εμαυτόν, και πρός τον πλησίον μου.
Ιησού, ο τη επιπνοία του αγίου Πνεύματος την Οικουμένην ευωδιάσας, καμέ τον δυσωδέστατον ευωδίασον.
Ιησού, ο τους σούς Μαθητάς ναούς αναδείξας του Πνεύαμτος, ναόν καμέ της αυτού δωρεάς και χάριτος ποίησον.
Ιησού, ο της εξ ύψους Δύναμιν ενδύσας τους Αποστόλους σου Πνεύματι ηγεμονικώ, το της διανοίας μου ολισθηρόν στήριξον.

συνεχίζεται...

Ιησού Υιέ του Θεού ελεησόν με.
Χάριν του παρακλήτου οι σοί μύσται λαβόντες, εσπάρησαν εις πάντα τον κόσμον, και τα έθνη είς το όνομα της Αγίας Τριάδος βαπτίσαντες, εδίδαξαν αυτά πιστεύειν είς ένα Θεό τρισυπόστατον, και είς σε τον εκ Θεού αποσταλέντα Κύριον Ιησούν Χριστόν, και ψάλλειν σοι ώς Θεώ τον ύμνον.
Αλληλούια

Ψάλας σου τήν προτέραν Παρουσίαν Χριστέ μου, νύν ψάλλω σοι ωδαίς τε και ύμνοις, και την δευτέραν και φρικτήν, Παρουσίαν εν η ερχόμενος, κρινείς τον κόσμον άπαντα, ως Θεός μετά δόξης, και αποδώσεις εκάστω καθ’ α έπραξε. Διό σοι μετά πόθου κράζω.
Ιησού, ωραιότατε, το κύρηγμα των Αποστόλων, δοξολογώ σε, δι’ ού τα πάντα γεγόνασιν.
Ιησού, παμπόθητε, το στερέωμα των μαρτύρων, δοξολογώ σε, είς όν τα πάντα επιστρέφουσιν.
Ιησού, θεαρχικώτατε, η παρηγορία των Οσίων, ευχαριστώ σοί, ότι έκ του κόσμου χωρίσας με, του μοναδικού σχήματος κατηξίωσας.
Ιησού, ιλαρώτατε, η δόξα των Ιεραρχών, ευχαριστώ σοι, ότι διά της Θεολογίας αυτών ασφαλή μοι την πίστην παρέδωκας.
Ιησού, φιλανθρωπότατε, η χαρά των δικαίων, εξομολογούμαι σοι, ότι εγώ ουχί τους δικαίους, αλλά τους αδίκους ως άφρων εζήλωσα.
Ιησού, πολυέλεε, ο επιθυμητός Μεσσίας υπό πάντων των Εθνών, εξομολογούμαι σοί, ότι μετά νόμον και χάριν αμαρτάνων, και τους Εθνικούς αυτούς τη κακία υπερβέβηκα.
Ιησού, Χριστέ, η επουράνιος κλήσις των χριστιανών, ανάξιον ταύτης επί των έργων μη δείξης με.
Ιησού, αναμάρτητε, η σωτηρία των αμαρτωλών, ει και εγώ εγκατέλειπόν σε, αλλά συ μή εγκαταλείπης με.
Ιησού, η ανάπαυσις των κοπιώντων, ώδε και εκείσε ανάπαυσόν με.
Ιησού, ο Κριτής των νεκρών και των ζώντων, κατά τα έργα μου, μη κρίνης με.
Ιησού, ο μόνος έχων τας κλείς του άδου και του θανάτου, της αιωνίου κολάσεως ρύσαι με.
Ιησού, ο μόνος ών από συλλήψεως μακάριος, κληρονόμος της Βασιλείας σου δείξον με.

Ιησού Υιέ του Θεού ελεησόν με.

Ώ Πρώτε και Έσχατε. Αρχή και Τέλος, Άλφα και Ωμέγα Ιησού, ο παρά των υπερκοσμίων, και εγκοσμίων και παγκοσμίων υμνούμενος, και πάλιν μένων ώς Θεός, αεί υπερύμνητος. Δέξαι μου τήν μικράν ταύτην υμνωδίαν, ώς της χήρας τα δύο λεπτά, και σώσον εμέ, και πάντας τους Ορθοδόξους, ίνα πάντες είς δόξαν του ονόματός σου ψάλλωμεν αιωνίως.
Αλληλούια

Τέλος? και τω Θεώ δόξα.
Μπράβο, είναι ωραία.