Εγκώμια στον Άγιο Στυλιανό

[efthumhs]

ΕΓΚΩΜΙΑ ΣΤΟΝ ΑΓΙΟ ΣΤΥΛΙΑΝΟ

ΣΤΑΣΙΣ Α`. Ήχος πλ. Α`. Η ζωή εν τάφω
Μακαρίζομεν σε καθορώντες νεκρόν, ώσπερ ζώντα εν τη θεία εικόνι σου, εξ` ης βρύει των θαυμάτων η πληθύς.
Δός μοι τω σω δούλω, των χαρίτων των σων, τας ψεκάδας, όπως άσω τα θαύματα κατ` αξίαν α εποίεις, και ποιείς Στυλιανέ.
Εξοδίους ύμνους, ευφροσύνη ψυχής και καρδίας Θεοφόρε επάδομεν, και δοξάζομεν τα θαύματα πιστώς.
Έλαβε σε μάκαρ, εν σκηναίς ο Χριστός, κατοικείν εν ουρανώ συν Αγγέλοις τε, και Αγίοις ευφραινόμενο αεί.
Εν τοις πανολβίοις, νυν θαλάμοις σκηνών, ουρανίων βασιλείας μακάριε, συνευφραίνη των Οσίων τοις χοροίς.
Τους προσερχομένους, τω σεπτώ σου ναώ, ταις ευχαίς σου προς Θεόν Στυλιανέ ένδοξε, σκέπε, φρούρει εκ παντοίων πειρασμών.
Ρύσαι σαις ευχαίς, τους προστρέχοντας τη ση πανηγύρει, και παρά της θείας εικόνος σου, αιτουμένους τα ιάματα πιστώς.
Σώσον ιεραίς, και ελέησον σε μεσιτείαις, τον πιστόν λαόν τον προστρέχοντα, τη ση πανηγύρη τη σεπτή.
Τείχος βοηθόν, καταφύγιον και προστασίαν, πάντες οι γονείς εσέ έχουσι, και εν σοι προστρέχουσιν εν θλίψεσι δεινών.
Φάνηθι καμοί, ταχυνός Στυλιανέ προστάτης, και κακών παντοίων μ` ελευθέρωσον, ψυχοφθόρων και δολίων των χειρών.
Ύμνον τον εμόν, Θεοφόρε δέχου ετησίως, του αμαρτωλού πάντων τε πιστών, προστρεχόντων τω ναώ σου τω σεπτώ.
Όπως των παθών, απολαύσομεν ελευθερίαν, τη εικόνι τη σεπτή σου προστρέχομεν, παμμακάριστε θεόφρον οι πιστοί.
Πάσιν ευμενώς, εξαπόστειλον Στυλιανέ θεόφρον, τας αιτήσεις των σων δούλων γεραίρουσι, την πανέορτον σου μνήμην και σεπτήν.
Δόξα.
Σε Τριάς Αγνή, και υπέρθεε δοξολογούμεν, ρύσαι ταις πρεσβείαις Στυλιανού, τους πιστεύοντας εις σε πανευσεβώς.
Και νυν.
Πάνσεμνε Θεόν, η κυήσασα Παρθενομήτωρ, υπέρ των σων δούλων ικέτευε, σε τιμώντων και ον έτεκες Υιόν.

ΣΤΑΣΙΣ Β`. ΑΞΙΟΝ ΕΣΤΙ.
Άξιον εστί, μακαρίζει σε τον Θεοφόρον, Παφλαγόνα θείον Στυλιανόν` και των παίδων αντιλήπτορα θερμόν.
Δεύτε νυν πιστοί, προσενέγκομεν τω Θεοφόρω, ύμνους και ωδάς νυν χρεωστικώς, τω πρεσβεύοντι Κυρίω δι ημάς.
Υπνώσας ποτέ, ύπνος γαρ ο θάνατος Οσίων, αλλά και το σον όμμα ανύστακτον, έχων περιέπεις σους τους υμνητάς.
Όσιε Χριστού, Στυλιανέ μακάριε μη παύσης, υπέρ των σων δούλων δεόμενος, τους τιμώντας σου πιστώς την εορτήν.
Άνωθεν πληθύς, των Οσίων συνδραμούσα πάσα δόξη, εν τιμή παρέλαβον σε τον θεόφρονα, ως ηγαπημένον φίλον του Χριστού.
Χαίρουσι βροτών, τα συστήματα και των Αγγέλων, εν τη ση πανηγύρει θεόφρονα, και δοξάζουσι Δεσπότην τον Χριστόν.
Αίτησαι ημίν, εκ Θεού την άφεσιν πταισμάτων, τοις μετ` ευλαβείας κηδεύουσι σου εικόνα, και πανηγυρίζουσιν εν γη.
Χαίρουσι τα στίφη, των Αγγέλων σοφέ, και Αγίων και Μαρτύρων δικαίων τε, συνοικούντα σε, νυν έχοντας αυτοίς.
Ψάλλομεν εν πίστει, ασιγήτοις φωναίς, και ταχέως τας αιτήσεις λαμβάνομεν, των θαυμάτων γαρ υπάρχεις η πηγή.
Δόξα.
Άναρχε Θεέ, Πάτερ Λόγε και το Θείον Πνεύμα, θείαις ικεσίαις του μάκαρος, σώσον πάντας τους πιστεύοντας εις σε.
Και νυν.
Άξιον εστί, μεγαλύνειν σε την Θεοτόκον, την τιμιωτέραν των Χερουβίμ, και ενδοξοτέραν των Σεραφίμ.

ΣΤΑΣΙΣ Γ`. Ήχος γ. Αι γενεαί πάσαι
Αι γενεαί πάσαι, μακαρίζομεν σε, Στυλιανόν τον θείον.
Πως ουν ανυμνήσω, Στυλιανόν τον θείον, ον Άγγελοι υμνούσι;
Φίλος ων Κυρίου, φύλαττε και σκέπε, ημάς τους σε τιμώντας.
Χάριν σοι τρισμάκαρ, καγώ εσώθην όλος, εκ των πυλών του Άδου.
Ψάλλω ουν προθύμως, τας ευχαριστήριους, ωδάς σοι θεοφόρε.
Ώφθης θερμός ρύστης, εμού εκ πάσης βλάβης, σώματος και ψυχής τε.
Διό πάντες τιμώμεν, εν ύμνοις εν Κυρίω, σε Στυλιανέ θεόφρον.
Πανεύσημος ημέρα, ενδόξως εορτάζει, σου όσιε την μνήμην.
Στυλιανέ παμμάκαρ, περίσωζε και φρούρει, ημάς τους σε τιμώντας.
Διάσωζε κινδύνων, τα νεογνά παιδία, Στυλιανέ θεόφρον.
Εις την σεπτήν σου εικόνα, προσπίπτομεν βοώντες, πάσαν κακίαν λύσον.
Τους εκτελούντας Πάτερ, την σην αγίαν μνήμην, διάσωζε κινδύνων.
Γη σε ου κατέχει, αλλά πόλος θείε, Στυλιανέ τρισμάκαρ.
Νέμεις τας ιάσεις, παντοδαπαίσι νόσοις, Στυλιανέ θεόφρον.
Από των πολλών μου, αμαρτιών προστρέχω, τη σκέπη σου τη θεία.
Πάντας τους σε τιμώντας, διάσωζε κινδύνων και πάσης επηρείας.
Αγάλλου εις αιώνας, συν τοις χοροίς Οσίων, Όσιε Χριστού θεράπων.
Μεσίτης τε και πρέσβυς, και προς τον Θεόν των όλων, γενού τοις σε τιμώσι.
Περίσωζε εκ πάντων, των εναντίων μάκαρ, την σε τιμώσαν πόλιν.
Των καταξιωθέντων, εν γη σε λειτουργήσαι, Πάτερ μη επιλάθου.
Δόξα.
Τρισήλιε Θεέ μου, διά του σου Οσίου, δός μοι πταισμάτων λύσιν.
Και νυν.
Παρθένε Θεοτόκε, πρεσβεύουσα μη παύση, υπέρ ειρήνης κόσμου.