Ευχή προς τον Κύριον

[l_katerina]

Ευχή προς τον Κύριον υπέρ των εν θλίψεσιν, αδικίαις και ανάγκαις


Κύριε και Θεέ των οικτιρμών και του ελέους, ο ευσυμπάθητος, πανευΐλατος και φιλεύσπλαχνος, ο παραμυθούμενος πάντας τους εν θλίψεσι και τους εν συμφοραίς κατωδύνοις, ο επισκεπτόμενος τους εν ανάγκαις και ενισχύων τους αδυνάτους και κλωνουμένους, ο επιστηρίζων τους αδικουμένους και συκοφαντουμένους, ο τα δάκρυα αποσμήχων των λυπουμένων δούλων Σου μάκτρω της Σής ευσπλάγχνου καρδίας, ο του θανάτου τον οδυρμόν εξαφανίσας διά της του Υιού Σου εκ νεκρών τριημέρου αναστάσεως. Θεέ της αγάπης και χαρμονής της αϊδίου, επάκουσον της φωνής των οικετών Σου και κλίνον ούς ευήκοον ταίς ημών ικεσίαις. Ναι, πανελεήμον, Κύριε του ουρανού και της γής, ο τάς λύπας ταχέως μεταποιών των προσφύγων Σου είς χαράν και αποδιδούς τοις αδικούσι το αυτών όφλημα, έπιδε επί τον δούλον σου (δείνα) και πλήσον την καρδίαν αυτού ευφροσύνης θείας και αγαλλιάσεως αρρήτου. απέλασον απ’ αυτού πάσαν λύπην εξ αδικίας και συκοφαντίας προελθούσαν ως και παν άλγος εξ ανιάτου νόσου αυτού ή των οικείων και συγγενών αυτού. ενδυνάμωσον αυτόν αίρειν τον σταυρόν αυτού αγογγύστως, ο ειπών ότι δια πολλών θλίψεων δεί τους πιστούς εισελθείν είς την ουράνιον βασιλείαν Σου και διαβεβαιώσας πάντας ότι ο υπομείνας είς τέλος, ούτος σωθήσεται. Δώρησαι αυτώ την χαράν των αγίων Σου αγγέλων και αξίωσον αυτόν θεάσασθαι το αμήχανον κάλλος του προσώπου Σου έν τη αλήκτω Σου μακαριότητι. ότι Σού εστίν η βασιλεία και η δύναμις και η δόξα του Πατρός και του Υιού και του αγίου Πνεύματος νύν και αεί και είς τους αιώνας των αιώνων. Αμήν.